ДЕНСАУЛЫҚ, ЕҢБЕК ЖӘНЕ ҚОРШАҒАН ОРТАНЫ ҚОРҒАУ

«GEO ENERGY GROUP» (ГЕО ЭНЕРДЖИ ГРУПП) ЖШС компаниясының басшылығы құқықтық, әлеуметтік-экономикалық, ұйымдастырушылық-техникалық, санитарлық-гигиеналық іс-шараларды орындау арқылы қызметкерлердің өмірі мен денсаулығының қауіпсіздігін қамтамасыз ету геологиялық және геофизикалық ізденістерді жоспарлау кезінде негізгі басымдық болып табылатынын мәлімдейді.

«GEO ENERGY GROUP» (ГЕО ЭНЕРДЖИ ГРУПП) ЖШС сейсмикалық зерттеулерді қоршаған ортаға ең аз зиян келтіре отырып жүргізу үшін бар күшін салады.

Біздің мақсатымыз – жазатайым оқиғаларды, жарақаттарды, кәсіптік ауруларды және қоршаған ортаға зиянды әсерлерді азайту.

Экологиялық менеджмент, денсаулық және еңбек қауіпсіздігі саласындағы саясат мыналарға негізделеді:

• «GEO ENERGY GROUP» (ГЕО ЭНЕРДЖИ ГРУПП) ЖШС қолданатын қоршаған ортаны қорғау және табиғи ресурстарды ұтымды пайдалану, еңбекті қорғаудың заңнамалық талаптарын және қоршаған ортаны басқару мен еңбекті қорғаудың ұлттық немесе халықаралық стандарттарының басқа да талаптарын сақтау.
• Қызметкерлердің жарақаттануы және денсаулығына зиян келтірудің алдын алу, сондай-ақ қоршаған ортаға теріс әсерді азайту бойынша барлық мүмкін болатын шараларды қабылдау.
• Экологиялық менеджмент, денсаулық және еңбек қауіпсіздігін ұдайы жетілдіру.

Қауіпсіздік пен қоршаған ортаны қорғауды жетілдіру үшін біз:

• Қоршаған ортаны басқару, денсаулық және еңбек қауіпсіздігі саласындағы тәуекелдерді анықтау, бағалау және оларды тиімді басқару.
• Табиғи ресурстар мен энергияны ұтымды пайдалану, қалдықтары аз технологияларды, өндіріс және тұтыну қалдықтарын қауіпсіз жинақтау, сақтау және кәдеге жарату технологияларын енгізу.
• Өндірістік процестерді жетілдіру, қауіпсіз еңбек жағдайларын қамтамасыз ететін жабдықтар мен технологияларды қолдану.
• Компанияның тәуекелдеріне қолданылатын заңнамалық және басқа талаптардың сақталуын тексеру үшін мониторинг, тексерулер, ішкі тексерулер, жұмыс орындарына аттестаттау жүргізу.
• Оқыту арқылы қызметкерлердің қоршаған ортаны және еңбекті қорғау саласындағы құзыреттілігін қамтамасыз ету, сондай-ақ экологиялық және персонал қауіпсіздігін арттыруға нақты үлес қосып жүрген қызметкерлерге қолдау көрсету.
• Жабдықтаушылар мен қосалқы мердігерлердің назарына компания қабылдаған саясатпен жүктелген міндеттемелерді, мақсаттарды жеткізу.
• Қоршаған ортаны қорғау және еңбекті қорғау мәселелері бойынша сыртқы мүдделі тараптармен ақпарат алмасуды жүзеге асыру.